theme-sticky-logo-alt
theme-logo-alt
Advertisement ad1
Advertisement ad1

Mih kiwa yalehke ka Meghalaya yow lai e reiñ ha ka Santosh Trophy ha Kerala

Advertisement ad1
Advertisement ad1
Advertisement ad1

Kiwa yalehke ka Meghalaya da mih ki wow lai cha Kerala yow chimbynta ha ka Senior Men’s National Football Championship kawa man ka Santosh Trophy Final Round.

Ka Meghalaya da booh lang ya ka wa ki le tylli ki liang wa da jop ya kani ka lympung kitæ ka West Bengal, Kerala wa Punjab wei da em leh ka Rajasthan ha Group A. Ki yalehke daw pymna ha ki ar tylli ki madan ka Malappuram District, Kerala.

Advertisement ad1

Daw yachem nyngkong ki waka Rajasthan haka 18 tarik. Ki 20 ngut kiwa yalehke da yahkhmat da u Coach Bobby Lyngdoh Nongbet. Wei chwa wow mih ki da yoh ya ki kyntien pynchlur na uwa jooh yalehke warim ka India wa u MLA ka Mawphlang katni kam jooh u President ka Shillong Sports Association, u Eugeneson Lyngdoh wa uwa yalehke ka Indian Super League, u Redeem Tlang ha ka yalang wa pynman ha Shillong.

Ha ka Group B da em ka Gujarat, Karnataka, Odisha, ka Services waka Manipur.

Kiwa yoh nyngkong na kini ki ar tylli ki Group daw psiah ki cha ka Semifinal. Kani ka Final Round toh kawa da booh wow pynman ha u Duyatra (Jan) ha uni u snem tangwa da hap wow kyrriah noh neidaw wa wan ka la-ær wa le ka khlam COVID-19.

Kiwa yalehke ka Meghalaya: Henry Ford Nongneng, Maxderidoff Wahlang, Hardy Cliff Nongbri, Dawanplielad Myrchiang, Wilbert Donboklang Marbaniang, Saveme Tariang, Santi Janai Shianglong, Figo Syndai, Sambor Oneel Kharsahnoh, Stephanson Pale, Aibiangmame Nongneng, Dawanchwa Carlos Challam, Shano Tariang, Raikutshisha Buam, Eveningstar Bareh, Atlanson Kharmaw, Frolicson Dkhar, Manbhakupar Iawphniaw, Kynsaibor Lhuid, Gladdy Nelson Kharbuli

Kiwa yarap: Bobby Lyngdoh Nongbet (Coach), Dious Lapasam (Assistant Coach), Mayoustar Warbah (Manager), Greater D Lapasam (Physio)

Fixtures:
vs Rajasthan, 18 April, 4pm
vs Kerala, 20 April, 8pm
vs West Bengal, 22 April, 4pm
vs Punjab, 24 April, 8pm

Share this:
Previous

Da u mooria wa chna sarok lai booh ka KSU Thangrain hakhmat u EE

Next

Daw pynman ya ka Inter School Athletic Meet 2022 ka West Jaiñtia Hills