Ki paidbah wa maya ya u Lionel Messi kiwa da wan wow pait wow yoo oo ha Salt Lake Stadium, Kolkata ynne i step da pynbaad ki wym em biang i rukom pynlai yeini waroh heiwa da ong ki wa neh u du 10 minit donhi wei da kær da kah ya oo du da ki Montri sorkar wa kiwi ki heh ki haaiñ wei da ong ki wow wanrah ya u Shah Rukh Khan tangwa ym em wan u.
Da ong ki leh wym hiar u Messi cha madan wow kynjat ya ka bol wot hadien wa su ki ya ka poisa kawa syad dor iwa da pynsepai yei bor wei por yong ki. Em kiwa da su Rs. 10,000 hadooh Rs. 12,000 yow psiah cha madan.
Ki paidbah nei chrai da pakhot ki da ki chuki, ki klong um chapoh ka madan najrong wa tymra leh ya kiwa da pynriam hapoh ka madan.
Neiliang kiwa pynlai da pyrchang ki wow kyrriah ya ki bru yow yoh u Messi wow hiar cha madan yow chynna kiwi wa chong ha ki Gallery tangwa ym ye ki, wei manda yoo ki paidbah yeini, da sdang ki wow kawang da ki klong um wa ki chuki.
Ki paidbah da ong ki wa ini da dai sarom ko hakhmat u Messi heiwa kammon u khana u ya kiwi yeiwa yoo u ha India.
Kiwa pynman ya kani ka ‘The GOAT India Tour 2025’ da dai ki leh ya ka Ticket kawa hadooh Rs. 9.95 lak yow yoh u chondur Selfie wa u Messi kamjooh yow yoh u yachem wa oo ha Falaknuma Palace.
Discussion about this post