15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Mih lai chimbynta ka Meghalaya cha ka Dr. T Ao Trophy 2020

0 Comments
Advertisement ad1

Shillong: Kiwa yalehke ka Meghalaya ki wow chimbynta ha ka Dr. T Ao Trophy 2020 da mih ki na Shillong ynne ka sngi yow lai cha Nagaland wa pynman ya kani ka lympung yalehbol.

Yaka Meghalaya da booh lang yaka waka Sikkim, Assam wa Mizoram haka Group B. Haka Group A da em ka Nagaland, Arunachal Pradesh, Manipur wa Tripura. Waroh ki yalehke u pynman ha IG Stadium ha Kohima.

Kiwa mihkhmat yaka Meghalaya da em ki 20 ngut wa yahkhmat da u Brolington Warlarpih kam u Captain wa u Kenstar Kharshong kam u Vice-Captain. U Coach toh u Khlain Pyrkhat Syiemlieh katwa u Manager toh u M Warbah.

Ka Meghalaya u sdang ko yaka yalehke nyngkong pyrchah yaka Mizoram (21 January), pynbood sa ka Sikkim (23 January) wa Assam (25 January). Ki liang wa yoh nyngkong wa ar ha ki jar jiar ki Group daw psiah ki cha ka Semi Final.

Ki ar tylli ki Semi Final u pynman haka 27 January, pynbood saka yakhun Third-Place haka 28 January.

Hawa pyn kitbok kitnasib ya kiwa yalehke da emlang u Meghalaya Football Association Treasurer, Wanshanbor Kharkrang, u Senior Cell Convener u Hearing Shangpliang wa u Senior Cell Member u Cliff Nongrum.

U Kharkrang da e khublei u ya kiwa yalehke yow lai yow wan ki deiwa suk deiwa ong wow booh cha rood yei sñiawyaphær wa wan ki na ki Club waphær waphær wei wow ya krehlang ki kam kawi ka liang. U Shangpliang won da ong u wa emkaam u man kiwa ryntih hawa yalehke khamtam hawa mihkhmat ki yaka Meghalaya.

U (L) Talimeren Ao, uwa de pynneh naam ha kani ka Tournament da tip ya oo kam u Captain wa nyngkong dooh ka Indian Football Team hadien wa yoh laitlooid ka ri wei da yahkhmat u yaka India haka 1948 Olympic Games.

Kiwa yalehke:

Brolington Warlarpih (C), Kenstar Kharshong (VC), Frolicson Dkhar, Siwel Rymbai, Kynsaibor Lhuid, Samuel Lyngdoh Kynshi, Atlanson Kharmaw, Aenam Jyrwa, Shano Tariang, Batifar Swer, Raikutshisha Buam, Nikelson Bina, Melvin Warjri, Dawanchwa Challam, Stephanson Pale, Justly Sungoh, Batskhem Tariang, Belton Lartang, Denelson Pyngrope, Kitboklang Pale.

Officials: 

Khlain Pyrkhat Syiemlieh (coach), M Warbah (manager), Dapmon Tariang (assistant coach), Lambok Lyngdoh (physio)

Group fixtures:

vs Mizoram, 4:00pm, 21 January

vs Sikkim, 2:00pm, 23 January

vs Assam, 2:00pm, 25 January

Advertisement ad1

0 Comments

Leave a Reply