theme-sticky-logo-alt
theme-logo-alt
Advertisement ad1
Advertisement ad1

Mih noh 12 ngut ki MLA ka Congress hapoh i yahkhmat u Mukul yow psiah cha ka TMC

Advertisement ad1
Advertisement ad1

Katkam ka khubor wa da yoh rap slem ynne i miet ka 24 tarik, da pyntip wa u Montri Rangbah warim uwa man leh uwa yahkhmat ka Liang Pyrchah ha Meghalaya, u Dr. Mukul Sangma deilang wa kamwa 11 ngut ki MLA yong ka Congress u lai pynyabi noh ki cha ka Trinamool Congress.

Ya kani ka khubor da pynlait leh ha ki National Media kam ha ka India Today, CNN-New18 wa ka Times Now wei da yoo leh ha ki rynsan Social Media kiwa kyrchaan ya ka MP ka TMC, ka Mahua Moitra.

Advertisement ad1

Da em leh kiwa napoh ka Congress ki wym pu kwah wow pynmih pyrtuid kiwa da pyntikna yeini.

Da ong leh wa kamwa waroh 8 ngut ki MLA ka Congress kiwa na ri-loom Garo wa 4 ngut kiwa na Khasi wa Jaiñtia kiwa da bood ya u Mukul yow psiah cha ka TMC.

Na ri-loom Garo deilang wa u  Dr. Mukul Sangma, kiwa da psiah cha ka TMC toh u Zenith M Sangma (Rangsakona), Dikkanchi D Shira (Mahendraganj), Miani D Shira (Ampati), Winnerson D Sangma (Salmanpara), Marthon D Sangma (Mendipathar), Jimmy D Sangma (Tikrikilla) and Lazarus Sangma (Chokpot).

Na ri-loom Khasi-Jaiñtia Hills kiwa da mih na ka Congress toh u Charles Pyngrope (Nongthymmai), George B Lyngdoh (Umroi), Himalaya Shangpliang (Mawsynram) wa u Shitlang Pale (Sutnga-Saipung).

Deiwa mih kini, ka Congress kattu daw em ko sa 5 ngut donhi ki MLA wei ka TMC daw man noh ko kam ka Liang Pyrchah hapoh ka jylla Meghalaya.

Yeini waroh daw pynbna deiwa che mynstep heipor wa yachem u Mukul wa kiwa pathai khubor.

Chooh chooh da pyntip wa da dep leh wow e ya ki chithi mih seiñ cha u Assembly Speaker u Metbah Lyngdoh.

Share this:
Previous

Kyntu ka NESO ya u Modi wow e laad sa chisien ya kiwa yaleh UPSC

Next

Da phah wow lai e ya u Aadhaar Number cha ki dukan rachon yow lai ryntih i kaam