Chi bhah kiwa kitkaam ka Meghalaya Commercial Truck Owners and Drivers Association (MCTODA) da pynbna ki wa da mih noh ki wei ym embynta de ki iyi iyi wa kani ka seiñ.
U Wellstar Warlarpih da pynsñiaw u wa i mih noh yong ki na ka MCTODA toh dei mon yong samen wei ym em iyi iyi i pyrchah ya kiwa yahkhmat wei da pynbna u wym embynta de ki iyi iyi de wa kani ka seiñ.
Uwa e ktien warim ka MCTODA, u Wanshwa Nongtdu leh da pyntip u wa da iehnoh u yei man kam uwa yahkhmat ka MCTODA, heiwa da e khublei u leh ya ki paidbah kiwa da kyrchaan heipor wa ki em ki ha ka MCTODA, wei da khut u leh ya ki tre Truck wa kiwa yah Truck wow sñiawbha ki wow poi cha ka yalang ha ka 29 tarik yow pyrkhat neibynta ki laad ki luti wa hap ki wow chim.
U Adviser ka MCTODA, u Peter Lawai da khut u ya kiwa yah Truck wow poi ha katai ka yalang wa daw pynman ha Wahi Hall kawa em ha 7Mer, West Jaiñtia Hills District, yow yaklam neibynta i bha i miat ki tre kari wa kiwa yah kari.
Discussion about this post