U Montri Rangbah warim ka Punjab uwa man leh u MLA ka Congress, u Capt. Amarinder Singh ynne da mih noh u na ka seiñ Indian National Congress (INC) deiwa sdang noh ya ka seiñ saiñhima (Party) wa thymme ya kawa tip kam ka Punjab Lok Congress.
U Capt. Amarinder da hiar chuki noh u kam u Montri Rangbah ka jylla Punjab ha ka 18 Naikhynde 2021 hadien wa mih i kynrum kynram hapoh ka Party khamtam hadien wa thung ya u Navjot Singh Sidhu kam u khlieh ka Party ha ka jylla.
Da pyntip u wa da ekti u ya ka chithi cha ka President ka INC, ka Sonia Gandhi wow mih noh u na ka seiñ (INC) heiwa da khana u leh ya ki daw wa mih noh u na kani ka seiñ.
Chooh chooh da pyntip u wa ya ka seiñ thymme wa sdang u, ka ‘Punjab Lok Congress’ dang yang wow pdiang ya ka da ka Election Commission of India.
Puræ leh: Hiar chuki noh u Capt. Amarinder Singh kam u Montri Rangbah ka Punjab