Mih noh u P.N. Syiem napoh ka Congress deiwa ong wa pynlut por ko du wow beiñ sorkar pyrdi

U P.N. Syiem uwa man kam u Working President ka Meghalaya Pradesh Congress Committee (MPCC) da phah u ya ka chithi cha u General Secretary ka All India Congress Committee (AICC), u K.C. Venugopal, MP yow ieh noh u yei kaam wa ksoh u kamjooh da mih noh u kam u dkhot ka Indian National Congress.

Da ong u wa hadien wa da yang da slem bha ya kiwa yahkhmat ka AICC wow ap u sñiaw wei wow leh ya iyi ræ iyi neibynta iwa angnood kiwa chong chnong ka Meghalaya wei wow pynkylla leh ya kiwa yahkhmat hapoh ka jylla kamjooh wow pynkylla thymme ya ka Party nadooh ki Primary Unit, tangwa da pynlut por du wow beiñ u woh ya ka sorkar pyrdi heithaw wow ap yeiwa da pynsñiaw ki dkhot deilang ki paidbah.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Chooh chooh da ong u wa deiwa ap yei sur ki paidbah ka Meghalaya ym chah de i sñiaw yong oo wow pteiñ kam u Working President kamtæ da mih noh u napoh ka Party nadooh myntu ka sngi.

Ya kani ka chithi mih noh napoh ka Party da phah leh cha u Vincent H Pala, President, MPCC, cha u Saleng A Sangma, MP, cha ka Deborah C. Marak, Working President, MPCC wa cha ka Wansuk Syiem, General Secretary, MPCC.