Mih sa i pyrtuid kiwa mynsoo neiwa jia ha ka krem mooyong ha East Jaiñtia Hills

Hadien iwa jia ynnin ka sngi ha kawi ka krem mooyong wa em ha Mynsngat, Thangskoo ka Elaka Sutnga heiwa da chem 18 tylli ki metyap neidaw wa tympdung Dynamite wei da antaad leh wa ye u ku chooh chooh kiwa yap heiwa i thooh ya ki da ki bru ka SDRF, NDRF wa SRT dang pteiñ i.

Kattæ won da mih i pyrtuid ki bru wa mynsoo kiwa em 7 ngut kiwa da tip kattæ wei ye u em leh sa kiwi ki wym pu tip.

Kini kiwa mynsoo toh 6 ngut kiwa na Assam wa Nepal kiwa chah sumaar ha NEIGRIHMS katwa uwi uwa na East Jaiñtia Hills won uwa chah sumaar ha Nazareth Hospital, Shillong.

Uwa na East Jaiñtia Hills toh uwa tip kam u Shanki Shylla (35 snem) wei da wanrah oo heipor 1:00 waje i sngi ka 5 tarik uwa da chah thang i doh i pran u nei bor pdung wei i chitom u toh ka 2^nd Degree Burn heiwa 40-50% i doh i pran u thoh iwa da em kha chah thang.

U Deb Malakar (25 snem) uwa na Assam, oo leh da yoh u ya ka 2^nd Degree Burn heiwa kamwa 30-40% i doh u toh iwa da chah thang.

U Korna (46 snem) uwa na Nepal, da yoh u ya ka 2^nd Degree Burn deiwa chah thang 20-25% i doh i pran u.

U Bom Magar (44 snem) uwa na Nepal, uni leh da ka 2^nd Degree Burn wei da chah thang 30-40% i doh i pran u.

U Lalit Magar (40 snem) uwa na Nepal, oo leh da yoh u da ka 2^nd Degree Burn heiwa kamwa 8-10% i doh u toh iwa chah thang.

Related posts

Palat Rs. 31 lak phah su ka MSPCB ya ka PWD wa chna ya u sarok Jowai Bypass khlem da bood kyndon aiñ

April 27, 2026

Pdiang u Chairman ka RS yei psiah ki 7 ngut ki MP ka AAP cha ka BJP

April 27, 2026

U Jamil Ahmed (36 snem) uwa na Hailakandi, Assam leh da iñ u da ka 2^nd Degree Burn heiwa kamwa 65-70% i doh i pran u da chah thang i.

U Nor Bahadur (35 snem) leh i jooh ka 2^nd Degree Burn heiwa 80% i doh i pran u toh iwa da chah thang. Kini waroh da wanrah ki cha NEIGRIHMS heipor 4:05 i janmiet ka 5 tarik da u Sanjana Bhujel.