Neiliang ki pulit da pyntip ki wa da em sa iwi i rukom thok wa thymme lyngba ka Internet namo ka Online Fraud wa chim kabu ya ki bru kiwa lui lui kiwa da chah sai tooh ya ka poisa yong ki.
Ya ini da leh deiwa em wa chna da ki Website wa booh da ki Number Customer Care wa chna thok kam ki “Myntra Customer Care Number”, ” SBI Customer Care Number” wa kiwi wei manda thooh ki bru ha Google ya ki Customer Number daw mih da kini ki Website wa da booh da kini kiwa thok wa chukor.
Ki bru wym tip, ym pait ki leh iyi pyrtuid ka Website wa booh ya ini i Number wei da Phone bait ki ha kini ki Number kiwa booh da kiwa chim kabu. Kiwa jubab ya ka Phone leh da klam ki thij kam ki wakreh ha ka Customer Care heiwa ki bru wa Phone ki wym poipyrkhat iyi iyi da leh ki katwa phah da kini ki bru.
Ha kiwa boon ki por kini ki bru da phah Install ki ya ka “Anydesk App” napoh ka Google Play Store dep te ye ki u leh katwa ngait ya ka Phone ki bru hadooh wow sai poisa leh kamjooh.
Neiliang ki pulit ka North Garo Hills District da pyntip ki wa kawi na ki pulit yong ki da dooh ko T. 4 lak ha kini ki bru wa sa uwi u bru na Resu Bakrapara leh da dooh u kamwa T. 60,000 wei ki pulit dang pynman ki ya ka takit.
Kamtæ da kyrpaad ya ki paidbah wym toh u ngait ki kat iwa yoo hi-eh ki ha ka Internet khlem da ye u pyntikna bha wei ym toh wow Install ya u Anydesk App khlem da tip bniah kammon wow pynemkaam oo. Ham khynna leh cha kiwon kiwon chaphang ka ATM Card, ki Bank Account kamjooh ya ki OTP khamtam ha ki bru wa Phone cha phi neibhah ki bru wa paka ym paan ki ya kini.
