Mih sa kawi ka chnong hapoh Jowai

Jowai : Hadien kamwa ar snem chiteiñ ynne ka sngi 29 tarik ye ko u man ka sngi kawa sah kynmoo

yanom rta ya ki khon ka chnong Moosalyngkat heiwa da e ya ka ka NOC hei yatoh wow man ko kam ka chnong wa pura na ka Dorbar Chnong Ladthadlaboh.

Ya ini da leh ha ka yalang wa tbian heiwa u ma J. Paswet da man u uwa pyllai ya kani ka yalang hei emlang ki waheh wa sian na ka Ladthadlaboh kamjooh leh na Moosalyngkat heijooh i por da em leh u Acting Dolloi ka Elaka Jowai u Puramon Kynjiñ wa kiwi kiwi.

Related posts

I pyntip wa emkaam ya ki khon ka Seiñkur Langi

May 11, 2025

Da ki ar tylli ki Drama pynkut ka Chilliangraij ya ka Bamphalar 2025

May 11, 2025

U Assiatant Waheh Chnong ka Ladthadlaboh u ma S. Bareh hei klam yong oo da pynkynmoo u ya u snem 1973 wa da sdang u e ya ka Moosalyngkat wow pyllai ko ya ki kaam yong ka kam ka chnong hapoh u pood u ang wa da booh ya ka da ka Ladthadlaboh.

U Waheh Chong ka Ladthadlaboh u ma LD Lakiang da pynkynmoo ya ka Moosalyngkat heiwa da em i yaklam nadooh u snem 2013 wei chimpor ko 2 snem citeiñ hei wow chna wow seiñ ya ka Moosalyngkat kam ka chnong.

Da khana u leh wa ha u snem 1942 da mut u e NOC ya ka Ladthadlaboh wow mih na ka Iawmusiang, wei da e ya ka ha u snem 1953 neidaw wa em ka thmabah wa ar. Ha u snem 1981 ka Ladthadlaboh da register ko hapoh ka Society Registration Act kam ka Ladthadlaboh Club wei ha u snem 2009 da pynwiar ya ka Club cha Locality wei hadien wa chong pyrkhat ko da rai ha u snem 2011 wa emkaam u pynpsiah ha ka JHADC neibhah kani ka Council em ko i bor nadooh ki thaw ki bhaw ki waheh chnong wa kiwi kiwi.

Da pyntip u ma Lakiang wa ka Council ha kani ka 27 tarik da e ko ka Sanad cha oo wow man u kam u Waheh Chnong hadooh le snem.

U ma K Kyndait uwa man kam u Advisor ka Moosalyngkat da ong u wa ynne ka sngi toh ka wow sahkynmoo heiwa da yoh yeiwa da thrang wa angnood ki waroh chi kattu.

U Acting Dolloi ka Elaka Jowai da ong u wa kani ka sngi man ko ka sngikha ya ka Moosalyngkat man ko kawa sñiawkmen weiwa emkaam u em i yakrehlang i neibhah yow ku ka chnong ka thaw.

Heiyatoh wa i pyrchah wei kwah kiwi ki kyntoit u mih na ka Ladthadlaboh da pyntip u wa ka Executive Committee yong ka Dorbar Elaka da chong ko da ka Review Committee wei iwon iwon i kaam wa yatoh wa u khliah u piah ymtoh u leh jhan yeini emkaam u takit wei u sylli chwa ya waroh. Emkaam u pynchongnia hachwa u mih na ka bei.

Hadien ini da e ya ka NOC Cha u Waheh Chnong ka Moosalyngkat u ma L. Tariang yow man noh ko kam ka chnong wa pura.

U pood u and yong ka Moosalyngkat man ki kamni :
A- Nadooh na hali warim ka Dr. Norman Tunnel Hospital ter ter ha Thuwania hadooh i yung ka kong Talbis Lyngdoh hadooh i Yungmane Full Gospel Fellowship ter ter tymbud sarok na Lad Kynroohsaphlang-Ladthadlaboh Road hadooh Khliehumsacham.
B- Na Khliehumsacham/Luti lai kjat hadooh i yung ka (L) Wiltina Pakma cha wah ka liar hadooh ha yung u David Blah.
C- Nadooh na yung u David Blah ter ter u sarok Dulong College Road hadooh ka yingkieñ.