15 49.0138 8.38624 1 0 4000 1 https://wyrta.com 300 0

Mih T. 10,000 na ATM, li e uwa yoh cha u OC ka Jowai PS
Ka nongmuna wow bood kiwa boon

0 Comments
Advertisement ad1

Jowai : I thut i rukom krehkaam ki ATM jooh jia i dei langær, em ki por wym mih poisa, wa slem ki, em won leh kiwa chah thok wa kiwi kiwi kiwa ye u pyndooh nong ya ki tre.

Ynne i janmiet heipor kamwa 6:15 uwi uwa kreh ha Bansara Eye Care wa em ha New Hill uwa tip kam u J. Thangkiew, dalai sai poisa u na ka ATM yong ka ICICI Bank wa em ha Gate-Laban, hajan Policepoint, Jowai.

Manda poi u heini da em u bru hachwa yong oo, wei neidaw wa ym em mih ka poisa, utæ u bru da mih u wei da liwan u, heitæ da psiah u Thangkiew chapoh ka ATM wei chwa wow thap u ya ka card da mih ka poisa T. 10,000.

Mar ya yoo yeini u Thangkiew da chim u ya ka poisa wei neidaw wym chem wei wym tipmit ya u tre kani ka poisa da lai u sak cha u Officer In-charge ka Jowai Police Station, u T. Synrem wow ekti ya kani ka poisa.

Neiliang u OC da pyntip u wa kiwon kiwon ki tre yong kani ka poisa ye ki u lithooh ka na oo wei hachwa wow e ya ka poisa daw sylli chwa ya ki kot ki sla na Bank, wa ki CCTV Footage wa em ha ka kamra wa booh ya ka ATM

Advertisement ad1

0 Comments

Leave a Reply