15 49.0138 8.38624 1 0 4000 1 https://wyrta.com 300 0
Advertisement ad1

Mih u Champion Sangma kam uwa yahkhmat ka seiñ Garo

0 Comments

Jowai: U Champion Sangma uwa jooh man kam u Chairman ka Garo National Liberation Army (GNLA) uwa da chah kset patok leh ha ka sorkar jylla wei da lait jamin u ha Wisu (March) uni u snem da ka hukum ka pynmih ka Supreme Court wa da kset ya oo ha Shillong District Jail khlem biang ka mukotduma pyrchah ya oo, ynne ka sngi da pynbna u wa da man u kam u Chairman ka A’chik holistic Awakening Movement (AHAM).

Ha ka kyrwoh khubor wa da phah da u Champion Sangma da ong u wa ka AHAM toh kawa da seiñ da ki piadbah neibynta ka jaitbru A’chik Jat kiwa em hapoh u pood u ang ka ri India.

Da ong u leh wa kani ka seiñ ym toh ka seiñ saiñ hima sima wei ym toh kawa kreh wow yoh nong namo ka Non-profit Organsation wei i thong yong ka toh wow kreh ya i hok ha waroh ki liang ka jait bru Garo.

Chooh chooh u Champion da ong wa da tyrwa ha O wow man kam uwa yahkhmat ka seiñ wei da pdiang u ya kani ka yukit hadien wa yarap ki jait bru Garo namo ki A’chik Jat wow pynlait ya oo na patok deiwa yoh hukum naka Supreme Court.

Da ong u leh wa hun u wow e dei mynsien neibynta ka jaitbru A’chik Jat.

0 Comments

Leave a Reply