Jowai: U sarok ong ki wa man u kam u thiedsnaam ka roi ka paar lada kyruiñ liang wanang tangwa lada man won u uwa sih uwa jæd wa pra i daw wa em u man i mar dei kylla, yeini da yoh u sakhi hawa mih yonglang ki khon ka Balang Presbyterian Rymbai wow chna pynmiat ya u sarok Rymbai Road.
“Uni u sarok toh uwa jrong kamwa 6 km nadooh na Ladrymbai hadooh wa poi Rymbai, wei da man u uwa booh yei ma ya kiwa lai wa wan na oo neibhah wa em ki kynti heiwa ki kari khian jan chah ban ki ha ki truck neidaw wa sih ware u sarok” da ong u Rev. S.B. Lyngdoh yong ka Balang Presbyterian Rymbai.
Uni u sarok toh uwa jrong kamwa 6 km wei kani man ko ka sien wa ar heiwa da chna pynmiat ki paidbah ya oo neibhah ka sien wa nyngkong toh ha u snem 2001.
Ha kani ka chna pynmiat da embynta ki waheh, ki manbei manpa, khynroo khyllood wa ki khynnah na ki 7 tylli ki dong wa em hapoh ka chnong Rymbai.
U Lyngdoh da pyntip u leh wa da lai yachem ki leh wa u montri ka tnat PWD tangwa da man i iwa sepai neibhah wa sorkar ym em poisa ko, wei khaddooh da chna pynmiat ya uni u sarok toh ha u 2014 heipor wa man montri PWD u Sniawbhalang Dhar.
Ha ini i chna ki tre chnong da pynlut ki pyn naki hi nadooh u moo, u chyiap, ki pooh chiloom wa kiwi kiwi.
Ha ini i chna pynmiat da ekti ka chnong ha ki 7 dong heiwa da bhah kamwa 400 metre chi dong.
Neiliang u Secretary ka Chnong u Blastused Rymbai da ong u wa ka chnong Rymbai toh kawi don wei em leh du kawi hi-eh ka chnong.
Da ong chooh chooh u wa hanlada ki heh sorkar lai luti ki na uni u sarok man ka sngi yow smat poi ki cha yungkrehkaam yong ki tangwa sñiawsih wym bien ki u pait yeini iwa emkaam ka chnong wa kiwi kiwi kiwa lai luti neini.
Ka chnong kamjooh ka Balang da e khublei ki ya u JR Pyrtuh wa ka Violet Lyngdoh kiwa man kam ki MDC ka JHADC kiwa da emlang bait wa ki ha iwon iwon i por khamtam ha kani ka sngi.
Discussion about this post