Ka Thadmuthlong ‘C’ Phramer da pynman ko ya ka pynkhooid Dong ha ka Dong Phramer dei pynkhreh ka Daiahunlang Village Organisation (VO) waka Dong Phramer.
Neiliang ka Daiahunlang VO da khut ko ya waroh ki Self Help Group deiwa phah ko u kyrchah jar jiar i rong wa ki Group.
Chwa u sdang i pynkhooid da em ka yalang wa tbian wa pynlai da President ka VO, da yoh i klam na ka Secretary VO kawa da yaroh ya ki SHG wada ya kitkhia ki jar jiar i kaam yong ki kamjooh wa da man ki kiwa ngaitsneiñ hawa phah kaam ka VO.
Da yoh i klam na u President ka VDP Thadmuthlong ‘C’ Phramer uwa da yaroh leh ya i yaryntih ki manbei lyngba ki SHG u chimbynta khamtam ha kani ka pynkhooid Dong.
Da yoh leh i klam na u Waheh Chnong uwa da e yei sñiawngooh ya ka Daiahunlang VO kamjooh leh ya ka Dong Phramer yei pynkhreh yong ki ha kani ka sngi deiwa kyntu u leh ya kiwa kitkaam ki 14 tylli ki SHG wa em kamwa 181 ngut ki dkhot wow yahluti ki neibynta i khooid i jngiar.
Ha kani ka sngi neiliang u Waheh Chnong da ekti u ya 100 tylli ki tin pyllang jhep cha ka Daiahunlang VO.
Naka liang ka Dong da pynkhreh ko yaka cha waki tiar wa pynemkaam ha kani ka sngi.
Neiliang kiwa chong chnong da mih ki awjan na waroh ki manyung neibynta ini i pynkhooid Dong ha kani ka sngi.
