Shillong: Ka Sutnga daw yachem ko waka Rangdajied United, katwa ka Druma Sandruma daw yachem ko waka Shillong Lajong haki Home-and-Away Semi Final ka Meghalaya State League 2019.
I pynkhle ya ki yalehke Semi Final da pynman ynne ka sngi ha yung krehkaam ka Meghalaya Football Association da u MSL 2019 Tournament Director u Wanshanbor Kharkrang hei emlang kiwa mihkhmat na Sutnga, Rangdajied wa Lajong, katwa kiwa naka Druma Sandruma da emlang ki lyngba ka Video Call.
Ka Lajong da khlieh ko yaka Group A, Sutnga Group B, Rangdajied Group C wa Druma Group D.
Ki Semi Final wa nyngkong u pynman haka 13 uni u bnai katwa kiwa ar won haka 17 tarik uni u bnai wei waroh ki yalehke u pynman heipor 12:30 pyrdi sngi.
Haka First Leg, ka Sutnga daw yachem ko yaka Rangdajied ha Khliehriat, katwa ka Lajong u yachem ko waka Druma ha Jowai.
Haka 17 tarik won, ka Rangdajied waka Sutnga daw yachem ki ha Mawkyrwat katwa ka Druma waka Lajong won ha Resubelpara.
Discussion about this post