Tura: U montri rangbah ka jylla, u Conrad K Sangma da pynbna u ya ka 4 Kmaichonglad (Dec) kam ka Meghalaya Farmers Day namo ka sngi ki warep wei yeini da pynbna ha ka 2nd Farmers Parliament kawa da pynman ha SMELC, Dakopgre Tura hei emlang u Thomas A Sangma, uwa ebuit ya u montri rangbah, wa kiwi kiwi.
Hawa e i klam ya ki warep na ka thaaiñ kamjooh kiwa na ri-loom Khasi Jaiñtia wa kiwa na Bangladesh, u Conrad da ekhublei u ya ka chnat wa da pynman ya ka yalang kawa jop heiwa da pynsñiaw u yei eh i khoo wa yachem ki warep wei wow pait yei emkaam ki da sdang noh ya ka Farmers Commission heiwa da pynman ya ka Farmers Parliament wa nyngkong dooh ha Shillong.
Da ong u wa ki warep boonsien ymtip ki ya ki Scheme wa pynkrehkaam ka sorkar pyrdi wa ka sokar jylla kamtæ dooh ki ya ki myntoi wa toh u yoh ki na ki kamtæ lyngba ka Farmers Parliament booh thong ko wow pyntip ya ki myntoi wa ye u yoh na kini ki Scheme.
Chooh chooh da khana u ya ki Scheme wa pynkrehkaam ka sorkar kam ka Jackfruit Mission kawa da sdang ha u snem wa dadep hei lut iwa kynjoh T. 78 klur, ka Milk Mission kawa da pynkrehkaam da ka sorkar pyrdi wa ka NCDC hei lut iwa kynjoh T. 221 klur wow esikai wei wow e yarap poisa wow pynku yei pynmih dud hapoh ka jylla wa kiwi ki scheme kam ka Muga Mission, i sdang ya ka Food Processing Directorate wa kiwi kiwi.
Hajrong ka 1st Farmers Parliament kawa da pynman ha ka 4 Kmaichonglad 2018, wei wow kynmoo ya ka sngi da pynbna ya ka 4 Kmaichonglad kam ka Meghalaya Farmers’ Day, wei u snem 2020 u man u snem wow pynbna kam kam u “Year of the Farmers” da ka jylla.
Neiliang u Chairman ka Farmers Commission, u KN Kumar da pyntip u wa ka Farmers Commission u kreh ko wow wanrah i kyrchaan na ka sorkar ya ki warep wei wow yaleh u kreh neibynta i emkaam katkam ka rai wa mih na ka Farmers Parliament.
Kiwi kiwa da klam ha kani ka sngi toh u Principal Secretary, Agriculture, Government of Meghalaya, Dr. P Shakil Ahmmed, Dr. Walter De Boef, Board and Member, AG Connectors, Netherlands, Deputy Commissioner, West Garo Hills Ram Singh, District Agriculture Officer, Tura M D Arengh, President Bangladesh Organic Products Manufacturers Association, u Muhammed Abdus Salam, wa u President, HFU, Meghalaya u Commander Shangpliang.
Da pynman leh ya ka esikai na ki bru chemphang kam na u Assistant Director of Horticulture, Tura Paulette A Sangma, u Assistant Manager, Shillong Milk Union, Shillong Balrang A Sangma u Director, Animal Husbandry & Veterinary Department, Shillong Dr. C Shilla, u In-charge, District Sericulture Officer, Resubelpara, Sonibirth G Momin wa na u OSD, Food Processing, Directorate of Agriculture, Shillong M Lyngdoh.
Ha kani ka sngi da saam leh ya ka Best Farmers’ Award cha kiwa rep ka Ri-loom Garo.
Discussion about this post