MSL 2019: Psiah Semi Final ka Shillong Lajong

Jowai: Ka Shillong Lajong ynne da ye ko wow psiah cha ka Semi Final ka Meghalaya State League 2019 hadien wa khlieh ko yaka Group A deiwa kheiñ daka Goal Difference.

Haki yalehke wa khaddooh kani ka Group ynne ka sngi, ka Lumniwar da tam ko yaka Shillong Lajong da ka Goal Difference +21 la +18. Ini waroh da kylla i ynne ka sngi hadien wa jop ka Lajong yaka Umrit da 6-0, katwa ka Lumniwar da jop ko da 1-0 yaka Royal FC, iwa booh biang yaka Lajong ha khlieh dooh ka Group.

Haka yalehke nyngkong, ka Lajong da jop suk ko yaka Umrit da 6-0 da ki kool na u Samuel Lyngdoh Kynshi (5′), u Amon Lepcha (14′, 50′), u Maxderidoff Wahlang (37′) wa u Parvaj Bhuiya (68′, 88′).

Da ini i jop ka Lajong, ka Lumniwar hap ko wow jop deiwa tam 4 kool yaka Royal FC yow yoh ko u em ha khlieh dooh ka Group yow psiah Semi Final.

Tangwa da ye ki wow thap du chi kool pyrchah yaka Royal FC, kawa thap da u Daminot Nongphlang haka minit wa 50.

Ha Resubelpara, ka Garo Warriors da jop ko yaka Salaram da 6-1. Kini ki arliang ym toh kiwa dang ye u lai chakhmat iwa man i jop wa bha yaka Warriors, heiwa u Molding Sangma da chah jied u kam u Man-of-the-Match.

Semi Final 1st Leg

Venue: Kiang Nangbah Stadium Jowai