Shillong: Ka Druma Sandruma da booh ko yei thaw yong ka haka Semi Final ka Meghalaya State League 2019 deiwa jop ko yaka Niaw Wasa da 3-2 ha Resubelpara ynne ka sngi.
Kani ka yalehke Group D da man ko kawa yatoh bor bha heiwa ka kylla step da kut ko mar chi kool. Ki ar tylli ki kool kiwa wan smat wa thap da u Chingka Sangma (70′) wa u Bising Marak (72′) da pyntam ko yaka Druma da 3-1, ka Niaw Wasa da ye ko wow su kawi ka kool lyngba u Namphang Sumer (86′) tangwa ym ye ko wow chem yaka kool wow pynya drawn yaka yalehke.
Da ini i jop, ka Druma da yoh ko 9 Point. Kattu lada jop ka Niaw Wasa ya ka yalehke wa sah yong ka pyrchah yaka Garo Warriors ka wow pynman haka 6 tarik, wei lada ka Druma rem ko haka Resu Conventus ka wow pynman haka jooh ka sngi, ka Druma daw pyntam ko deiwa kheiñ yaka Head-to-Head deiwa jop ko yaka Niaw Wasa.
Ha kawi won ka yalehke kani ka jooh ka Group D, ka Resu Conventus da yoh ko yaki Point wa nyngkong yong ka deiwa jop da 5-2 yaka Salaram.
Haka Group A, ka Lumniwar dang em kyrmen ko wow psiah Semi Final da i jop ko 9-0 yaka Umkaber ynne ha Jowai. Ka Lumniwar kattu da yoh ko 7 Point kiwa man katjooh waka Shillong Lajong wei da tam ka Shillong Lajong du haka Goal Difference (ka yalehke hapyrdi kini ki ar liang da kut ko da 0-0 kawa pynman haka 2 tarik)
Haka Group B, ka Sutnga leh da yoh ko wow booh yei thaw yong ka kam kawi na ki liang wow em haka Semi Final deiwa jop ko yaka Iatyllilang Lumsehkot da 1-0. Ka Mynthong da jop ko da 7-1 yaka Jalaphet Bri-Sumer wei kamwa man kattæ waroh ar, ka Mynthong waka Sutnga em ki mar 9 Point tangaw ka Sutnga da kheiñ wa jop ko yaka Mynthong hadien wa pynmih madan ka Mynthong da u Dieye, uwa ym pu em yoh yaka Transfer u haka sngi wa pynyaleh ya oo pyrchah yaka Sutnga.
Haka Group C, ka Mawkohphet da yalehke ko yaka yalehke wa khaddooh yong ka tangwa da rem ko haka Khliehmawlieh da 2-1. Ka yalehke wa bood da man ko kawa chongchit bha heiwa ka Nongdaju Seng Samla hadien wa pyntam ko da 2-0 haka kylla step da ki kool wa thap u Bansynshar Iawphniaw wa u Silvestar Thongni, tangwa ka Madan Bynther da su syndon ko le kool yow jop da 3-2 da ki ar kool na u Pynbhalang Suting waka chi kool na u Lambor Nongsiej.
Ka Rangdajied United ym em yalehke ko ynne ka sngi tangwa da psiah Semi Final ko na kani ka Group.
Ki yalehke mynstep:
Group A (Jowai) – Umrit vs Lawbah (10:30AM); Royal FC vs Shillong Lajong (1:30PM)
Ki Points Table hadooh ynne ka 4 tarik man ki kamni ha wah:
Discussion about this post