U Neblejohn Lyngkhoi da yoh u ya ka Hat-Trick wa nyngkong yong ka Quarter Final ka 5th Meghalaya State League deiwa pynjop ya ka Nangkiew Irat SC da 7-1 pyrchah ya ka Maram FC ha ka Group B ha the SSA Stadium, Shillong ynne.
Ha kawi won ka yalehke, ka Langsning FC da pteiñ ko yei jop la 9 sien deiwa pynrem ya ka Rymbai Shkenshynriah SC da 3-0. U Donlad Diengdoh (14′), u Kyrmenskhem Mukhim (40′) wa u Nelson Rymbai (59′) toh kiwa yoh u thap.
Ya ka Nangkiew Irat won da thap nyngkong da u Dibinroy Nongspung (15′) tangwa da su kylliang ka Maram lyngba u Seiborlang Tado (21′).
Da pyntam ya ka Nangkiew Irat da u Sandy Kharkongor (27′). U Neblejohn won da thap u ya kawa nyngkong ka kool u ha ka minit wa 39, kawa ar ha ka minit wa 57 wei kawa le ha ka minit wa 66.
Ka Nangkiew Irat da thap ko leh lyngba u Ronaldkydon L Nonglait (83′) wa sa kawi na u Neblejohn (87′).
Ka yalehke ha ka 18 tarik ha ka Group A toh hapyrdi ka Rangdajied United FC wa ka Mawlai SC heipor 2 PM. Ka Shillong Lajong FC won daw yachem ko wa ka Nongkseh SSCC heipor 6 PM.
Discussion about this post