MSL 5: Jop ka Amlarem ya ka Mawlai yow Psiah Pre-Quarter

Ka Amlarem SC da pynrem ko ya ka Mawlai da SC 2-1 ha ka yalehke wa khaddooh ka Group C ynne ka sngi yong ka 5th Meghalaya State League ha Amlarem. 

Ka Mawlai toh kawa da yoh chwa wow psiah cha ka Pre-Quarterfinal tangwa ya ka Amlarem man ko kawa emkaam bha yow psiah cha ka Round of 16.

Ha kani ka yalehke, u Wantiwjune Buam da thap u pyn ha ka minit wa sdang tangwa ka Mawlai da su kylliang ko ha ka minit wa 15 lyngba u Batskhemlang Thongnirit. U Wantiwjune da pynuiñ u ha ka minit wa 76 yow pynjop ya ka Amlarem.

Da ini, ka Amlarem da ku ko chei wa ar deiwa yoh 10 Point, hadien ka Mawlai kawa em 13 Point. Ini man ko leh i sien wa nyngkong wa rem ka Mawlai hadien 11 tylli ki yalehke ka MSL deiwa kheiñ nadooh ka samoi 2024-25. 

Ha Mawkyrwat won, ka Rangdajied United FC da rem ko ar sien ban-ban ha ka Mawten SC da 1-0 kawa thap da u Lastbornson Marwein ha ka minit wa 12 ha ka yalehke ka Group H. 

Da ini da em le tylli ki liang kiwa da yoh mar 8 Point – ka Rangdajied, ka Mawten wa ka Seng Samla Umdang Pyllun. Ka MSL da kheiñ ko deiwa yachem kini ki le liang wei daw pynbna won hadien kiyi wa yoh heiwon. 

Kam ini ym em ko ha ka Group A heiwa ka yalehke hapyrdi ka Khimusniang SC wa ka Nongkseh SSCC da kut ko da 1-1 ha SSA Stadium, Shillong. Ini mut i wa ka Nongkseh da yoh nyngkong ko wei ka Khimusniang da yoh wa ar ko. 

Ka Nongkseh da yoh ko wow thap lyngba u Shano Tariang ha ka minit wa 56 katwa ka Khimusniang da thap ko lyngba u Dawanbiangmi Passah ha ka minit wa 75. 

Ha Mairang won, ka Langsning FC da jop ko da 5-0 ya ka Mishon SSCC da ki kool wa thap u Samuel Phawa (26′, 42′), u Kyrmenskhem Mukhim (32′) wa u Top Scorer ka MSL, u Nelson Rymbai (57′, 90′).

Ha Williamnagar kawa pynman ya ka Group G, ka Maram FC da jop ko ya ka Attong Matgrik FC da 6-1. Ya ka Maram da thap da u Easter Salchang Ch Sangma (36′, 37′, 61′), u Santosh Teron (56′), u Tremarchwal Ch Marak (68′) wa u Raksabirong G Sangma (81′) katwa ya ka Attong da thap da u Sengsu G Momin (63′). 

Ha Khliehriat wa pynman ya ki yalehke ka Group D, ka Rymbai Shkenshynriah da pynrem ko ya ka Jalaphet Moochut Pyrdung SC da 5-2. U Monush Lapang (1′), u Iaishah Bareh (44′, 68′), u Defence Nongtdu (90′) wa ka Own Goal ha ka minit wa 80 da pynjop ko ya ka Shkenshynriah, katwa u Daboomi Bareh (75′) wa u Davidson Bareh (79′) da thap ki ya ka Jalaphet Pyrdung.  

Ha ka Group B wa pynman ha madan ka MFA ha Shillong, ka Nangkiew Irat SC da jop ko da 6-2 ya ka Mulang Nangbah, heiwa u Wallamsuk Nongkhlaw (2′, 19′, 24′, 80′) wa mar chi kool na u Banshanlang Nongdhar (40′) wa u Neblejohn Lyngkhoi (84′) da thap ki ya ka Nagkiew katwa ya ka Nangbah Mulang da thap da u Pynshngainlangki Hinge (75′) wa u Charmingstar Sungoh (82′).

Related posts

MSL 5: Psiah Semi ka Shkenshynriah deilang ka Langsning

May 26, 2026

Yoh u Phrangki Buam yei naam Most Valuable Player ha ka Indian Football League 2025-26

May 25, 2026

Mynstep daw em ar tylli ki yalehke kiwa daw sdang heipor 3:00 PM.

Ha Wahiajer (Group E), ka Lamyrsiang SCC daw yachem ko wa ka Iatyllilang Lumsehkot CSC katwa ha Williamnagar (Group G), ka A’chik SCO Rongjeng daw yachem ko wa Balmanduri FC.