MSL 5: Psiah Semi ka Langsning | U yaknieh ka Nangkiew Irat wa ka Rymbai Shkenshynriah

Hanla hap yalehke da 10 ngut ha ka kylla miet, ka Langsning FC da ye ko wow psiah Semi Final na ka Group B ha ka 5th Meghalaya State League deiwa pynrem ya ka Rymbai Shkenshynriah SC da 4-2 ha ka yalehke Quarter Final ynne.

U Atlanson Kharmaw (32′), u Samuel Phawa (41′), u Dajiedlang Wanshnong (70′) wa u Mecheal Roy Kurbah (90’+2) da yoh ki wow thap ya ka Langsning, katwa u Iaishah Bareh (48′) wa u Harita Suchen (90’+5) da thap ki ya ka Shkenshynriah.

Hadien wa thap u Dajiedlang ya ka kool u, heipor wa ya lehkmen dapoi chei ya awri awra wa uwa yalehke Shkenshynriah hadooh wa yoh Red Card u. 

Ha kawi won ka yalehke, ka Nangkiew Irat SC da neh ko hei yaleh yow psiah Semi Final deiwa pynrem ya ka Maram FC da 3-1. U Justerwell Tham (28′, 59′) wa u Neblejohn Lyngkhoi (82′) da thap ki ya ka Nangkiew Irat katwa ya ka Maram da thap da u Threesbirth Momin (86′).

Related posts

3rd Division: Jop ka Pyrtakuna wa ka Dkhiah East

August 19, 2026

3rd Division EJHDFA: Jop ka Nongsning Youth wa ka Umstain

August 18, 2026

Ka Langsning kattu da yoh ko 12 Point, ka Shkenshynriah wa ka Nangkiew Irat da yoh ki mar 9 Point tangwa ka Shkenshynriah da tam ko deiwa kheiñ da ka Head-to-Head. Daw rai kiwon wow psiah Semi manda yachem biang ki ha ka 26 tarik. Ka Maram da em ko ha tre deiwa khlem yoh Point. 

Ha ka 25 tarik ka Group A, heipor 2 PM, ka Rangdajied United FC daw yachem ko wa ka Shillong Lajong FC wei heipor 6 PM ka Mawlai SC daw yachem ko wa ka Nongkseh SSCC. Ka Lajong wa ka Nongkseh da toh kiwa dadep chwa wow psiah Semi Final.