MSL 5: Rem ka Nangkiew Irat ha ka Shkenshynriah hadien wa jop ynñiaw sien

Hadien wa ka Nangkiew Irat SC da jop ko ynñiaw sien khlem rem, da yoh ko yei rem ha kti ka Rymbai Shkenshynriah SC da 2-1 ha ka Group B ka yalehke ka Super 8 Stage ka 5th Meghalaya State League ynne. 

U Jefferson Pakyntein (39′) da thap nyngkong u ya ka Nangkiew Irat tangwa ka Shkenshynriah da su kylliang ko ha ka kylla miet lyngba u Skilful Tariang (53′) wa u Hesmiki Rymbai (55′). 

U Hesmiki da u yoh thap la phra sien iwa boon dooh na kiwa yalehke ka Shkenshynriah. 

Ha ka yalehke wa bood, ka Langsning FC da jop ko da 7-0 ya ka Maram FC kawa man ka yalehke ka Group B hi. 

Related posts

Ka Result ki yalehke ka sngi wa le ka Subroto Cup ka West Jaiñtia Hills

June 24, 2026

Pynbna ka Jaiñtia Hills Football Academy yei pyrtuid kiwa chah jied ha ka Trial wa pynman ha Iooksi

June 21, 2026

Ka Langsning kattu da jop ko phra sien khlem rem wei ynne da thap chwa ko lyngba u Dajiedlang Wanshnong ha ka minit wa 32 wei da pynbood da u Andy Joey Laloo (37′) wa u Samuel Phawa (45’+1, 51′). 

U Top Scorer ka MSL 5, u Nelson Rymbai da thap u ar sien ha ka minit wa 54 wa 69 kawa da ka Penalty wei wa kini kattu da thap u la 17 kool. Da thap khaddooh da u Dajiedlang (80′). 

Ki yalehke mynstep toh ha ka Group A. Heipor 11:00 AM, ka Rangdajied United FC daw yachem ko wa ka Nongkseh SSCC wei daw pynbood da ka Mawlai SC pyrchah ya ka Shillong Lajong FC heipor 3:00 PM kiwa waroh ar daw pynman ha madan ka MFA.