U Primrose Lamat ynne da lehbha u ha ka 5th Meghalaya State League deiwa yoh u thap 6 tylli ki kool ya ka Khimusniang SC pyrchah ya ka Umkaber SCC yow jop da 11-2 ha ka Group A kawa da pynman ha SSA Stadium, Shillong.
U Primrose (16′, 19′, 24′, 38′, 73′, 79′) da man ko kam u Top Scorer hadooh kattæ ha kani ka samoi wei waroh da yoh u 7 kool kattu deiwa kat jooh wa uwa yalehke ka Langsning FC, u Nelson Rymbai uwa da thap ar sien ynne ka sngi. U Dawanbiangmi Passah (42′), u Alwin Dkhar (69′), u Ravi Manar (80′) wa u Meroily Lytan (83′, 85′) toh kiwi de kiwa da thap kool ya ka Khimusniang. Ka Umkaber da ye ko wow pynyuiñ ar kool lyngba u Pynkupbor Kharbteng (51’P) wa u Aidor Kharshiing (59′).
Ha ka Group H wa pynman ha Mawkyrwat hapyrdi ka Rangdajied United FC wa ka Mawlarshong SC da kut ko da 1-1.
Ha ka Group A, ka Nongkseh SSCC da jop ko da 6-2 ya ka Mawshun SCC.
Ha Amlarem, ka Mawlai SC da jop ko ya ka Laskein SCSC da 4-1 ha ka Group C.
Ha Mairang, ka Langsning da jop ko da 6-0 ya ka Umlakro SC ha ka yalehke ka Group F.
Ha ka Group B kawa da pynman ha Shillong, ka Nangkiew Irat da jop ko ya ka Mawlum Tyrsad SCC da 7-1.
Ha ka Group G, ka Attong Matgrik FC da jop ko ya ka Maram FC da 2-1 kawa pynman ha Williamnagar.
Ha Khliehriat won kawa pynman ya ki yalehke ka Group D, ka Rymbai Shkenshynriah SC da jop ko ya ka Ladthadlaboh SC da 3-0 kiwa thap da u Skilful Tariang (33′) wa u Hesmiki Rymbai (51′, 81′).
Ki yalehke mynstep kiwa daw sdang heipor 3PM:
Group A (Shillong SSA Stadium) – No match scheduled
Group B (Shillong MFA Ground) – Mawphu SC vs Mulang SC Nongbah
Group C (Amlarem) – Amlarem SC vs Lamin XI SCC
Group D (Khliehriat) – Jalaphet Moochut Pyrdung SC vs Thangskai Tiger SC
Group E (Wahiajer) – Lumphyrnai Sohphoh FC vs Iatyllilang Lumsehkot CSC
Group F (Mairang) – Mishon SSCC vs Lawbah SC
Group G (Williamnagar) – Balmanduri FC vs A’chik SCO Rongjeng
Group H (Mawkyrwat) – Mawten SC vs SS Umdang Pyllun
Discussion about this post