MSL 5: Yoh u Keri wow thap 7 sien yow pynjop da 9-0

U Keri G Momin da yoh u ya ka sngi wa kyrpang ha ka 5th Meghalaya State League ynne deiwa yoh u thap 7 tylli ki kool ya ka A’chik SCO Rongjeng yow pynrem ya ka Balmanduri FC da 9-0 ha ka yalehke ka Group G ha Williamnagar.

Ini da man ko leh iwa boon dooh wa thap da uwi u bru ha kawi ka yalehke ha kani ka samoi wei da man ko ka sien wa nyngkong wa thap u Keri (18′, 20′, 24′, 48′, 71′, 81′, 84′) ha ka MSL 5. Kiwi de kiwa thap toh u Cherryan G Momin (58′) wa u Junjun N Marak (90′).

Ha Mawkyrwat, ka Umdang Pyllun da jop ko ya ka Mawten SC da 4-3.

Ka Amlarem SC won da jop ko da 4-2 ya ka Lamin XI SCC ha Amlarem. Ka Lamin da thap nyngkong ko lyngba u Sanu Sumer (5′) tangwa da su kylliang won u Wantiwjune Buam (32′). U Genial Lamin (46′) da thap u mar ya sdang ka kylla miet tangwa ka Amlarem da thap biang ko lyngba u Martial Nongrum (65′), u Iaid Da Kyrmen Jungai (65′) wa sa chisien na u Wantiwjune (77′).

Ha Shillong wa da pynman ha madan ka MFA, ka Mawphu SC da jop ko da 4-0 pyrchah ya ka Mulang SC Nangbah ha Group B da ki kool wa thap u Owenderson Nongrud (2′) kawa man leh ka kool wa smat dooh u thap ha kani ka MSL 5 wei da pynbood da u Steven Kynta (42′), u Ferenstar Kharkongor (45′) wa u Archeststar Malngiang (73′).

Ha Wahiajer won, ka Lumphyrnai Sohphoh FC da jop ko ya ka Iatyllilang Lumsehkot CSC da 4-0 ha ka Group E. Ya kini ki kool da thap da u Rio Marboh (9′, 70′, 90’+5) yow yoh Hat-Trick wei da thap leh u Deibanskhem Kharsati (32′).

Ha Khliehriat wa pynman ya ka Group D, ka Thangskai Tiger SC da jop ko ya ka Jalaphet Moochut Pyrdung da 1-0 da ka kool wa thap u Michael Siangshai (26′) hadien ar minit wa yoh Yellow Card u.

Ha Mairang, ka Mishon SSCC hadien wa rem ko ar sien, da jop ko ya ka Lawbah SC da 2-0 da ki kool wa thap u Pyndapboklang L Lyngkhoi (74′) wa u Rikyrshan Warjri (86′).

Ki yalehke ha ka 27 tarik kiwa daw sdang heipor 3PM: