Ka sorkar Assam hadien iwa jia ha Mukroh ynne i step hadooh wa poi che dooh 6 ngut yei mynsien wa kynthup lang ya uwi u nong Assam, da beh kreh chipor (Suspend) ya u OC ka Jirikinding Police Station u Kajal Nath uwa da embynta ha ini wa jia.
U Forest Range Protection Officer, Kheroni Forest uwa man kam u Incharge kani ka thaaiñ, u Shikari Enghi uwa da embyntalang ha ini wa jia leh da chah Suspend u.
Da chah kyrriah leh u SP ka West Karbi Anglong, u Imdad Ali wei da thung da u Mrinal Deka kam u SP wa thymme.
Waroh ki pulit kamjooh ki pulit ka Forest da rah ya ki cha jar jiar ki Reserve ki.
U e yarap poisa ka Assam leh T. 5 lak cha waroh kiwa khlaad ha ini i jia.
Ka sorkar Assam leh da pyntip ko wow e kti yei takit cha ka sorkar pyrdi wei u krehlang ko waka sorkar Meghalaya ha ka takit.
