U heh ka Congress, u Manuel Badwar uwa da lai chimbynta ha ka phyllu yumut ya ka bui (Report) ka Expert Committee hajrong ka Reservation Policy, da pynsñiaw u wa toh i kaamram yong waroh ki seiñ wow chimbynta hajrong kani ka mat khamtam kawa man kongsan wei ka imlang sahlang ymtoh wow yakhih kulmar hi-eh.
Da ong u wa hadooh 80% i e yumut ka Expert Committee da sñiaw yahaap u wei hap wow lai kamwa man neibynta i bha i miat wa i suk i saiñ ha ka imlang sahlang.
Hawa kubur yeiwa kular ka sorkar wow chim yei e yumut ka Expert Committee deiwa pynkrehkaam din-pa-din, da ong u wa ka Congress sñiaw ko wow lailang ha katæ ka luti ym wow pynkhih kulmar ya ka chnong ka thaw wow pynchongchit.
Hawa e yaroh ya ka sorkar hajrong kani ka phang, u Badwar da ong u wa neiliang ka sorkar da chimkhia sakhiat ko yeini i kaam wei ym em u rai kut ko hajrong ini wei da khut ya waroh wow ya pyrkhat bha chwa wow pynkrehkaam ya ka.
Discussion about this post