Mynjur ka Mizoram ya ka aiñ yow pyndooh yei tipmit ya ki kynthai wa bia wa kiwa na baar | Ym yoh ST de hadooh ki ksu ki

Ka yung dorbar chna aiñ ka Mizoram da mynjur ko yei pynkylla ya ka aiñ Mizo Marriage and Inheritance of Property (Amendment) Bill, 2026 kawa da wanrah chiboon i kylla hei chongkha wei i hiar pateiñ i hot i pot.

Ki kyndon thymme da ong ki wa ki kynthai Mizo kiwa bia wa ki chynrang ki wym toh ki Mizo, ya ki khon deilang ki ksu ki ym tipmit de ki hapoh ka ka aiñ Mizo Customary Law wa kynthup leh yei yoh bhah hei hiar pateiñ ki thaw ki bhaw wa kiwi de.

Ya kani ka Bill da wanrah da u Chief Minister, u Lalduhoma yow pynkylla ya kani ka aiñ kawa da pynkrehkaam ha u snem 2014 heiwa da ong u wa Section 2 ka aiñ kawa da em chwa klam ko ya waroh ki jait bia yong chynrang wa kynthai wei deiwa pynkylla daw pait donhi wa lada kiwi bia toh ki Mizo deiwa pait leh lada u chynrang toh u Mizo.

Da ong u leh wa ki kynthai Mizo kiwa bia wa ki chynrang ki wym toh ki Mizo ym tipmit de ki hapoh kani ka Mizo Marriage and Inheritance of Property Act lane ka Mizo Customary Law.

Related posts

Pynche ka sorkar yeiwa pynkrehkaam ya ka Pension kiwa sikai Deficit hadien wa mih i pyrchah

May 4, 2026

Phylla ka TMC wa tam ka BJP ha ki thaw wa boon ki Muslim

May 4, 2026

Da ong chooh chooh u wa kini ki kynthai wa bia wa ki chynrang ki wym toh ki Mizo, ka deilang ki khon hadooh ki ksu ki ym tipmit de ki kam ki Mizo wei ym ye ki wow yoh yei tipmit kam ki ST.

Yeini da pyntip u wa da leh deiwa yasyllok chwa wa kiwa boon ki seiñ hadooh ki chnat sorkar.

Hapoh kani ka aiñ da khang leh yei em kurim boon ngut.