Mynjur ka sorkar ya ka tulop wa thymme ya ki 23,000 ngut kiwa sikai Adhoc wa kiwa sikai SSA

U Montri Rangbah ka jylla, u Conrad K. Sangma ynne da pynbna u wa ka State Cabinet da mynjur ko wow pynbait yei rukom su tulop (Structured Pay Scales, Annual Increments) yow pynskem yei kreh ki palat 23,000 ngut kiwa sikai Adhoc wa kiwa sikai SSA.

Hawa yaklam wa kiwa thoh khubor, u Conrad da ong u wa i rukom pynthymme yei su tulop toh deiwa kheiñ hadooh katwon snem wa da e chakri, i pynku tulop man-ka-snem wei wow yoh leh ya ka Contributory Provident Fund (CPF) deiwa kynchew ka sorkar deilang kiwa sikai.

Da pyntip u leh wa kani u pynkrehkaam ka nadooh ka 1 tarik u April 2026.

U Conrad da ong u wa kani ka rai toh kawa kyrpang bha wei kawa daw pynbait noh yei dawa wa da slem bha da kiwa sikai Adhoc wa SSA hadien wa dep u yaklam bniah yaklam yillu bha. Da ong u leh wa ini toh iwa daw pynkhia bha ya ka muna tangka ka sorkar tangwa ym em ong u wa hadooh katwon u poi i lut phut.

Related posts

Wiar ki mat yaklam wa iwa kylli wa booh da ki MDC ka Liang Pyrchah ha ka Dorbar Mang Tangka ka JHADC

March 18, 2026

Da phah ya u Dolloi ka Nangbah wow pynman yei jied Waheh Chnong ha Mookaswan

March 18, 2026

Da ong u leh wa kani man ko kam ka khubor Christmas wa bha ya kiwa sikai wei waroh ki kynjnit kynjnat daw pynbait ha kini ki bnai wow wan wei ini wa da wanrah thymme daw pynskem ko leh ya ki kaam e sikai hapoh ka jylla.