Yi wow chynna yei wa em ha mynsien,
I sñiaw da kthang wa dap du i tieñ,
Ka mynried kammon u yah ka luti,
Yei pyrkhat pyrdaiñ wa pynartatien i.
Hei dooh u em ka luti wym wai,
Dap du i teiñsar ya nga ha pyrthai,
Rta sngi myntu u mylliñ noh aka,
Wa joor i pyrkhat, mynried kammon cha?
Mutdur samen da tyrseiñ wei jabieñ,
Ka mynstep kammon ma’ai? Yeitæ bait wa tieñ,
Neiwon u kaap neiwon u lai,
Artatien i sñiaw, wym nood O’u rai.
Manbru hei lymboit lymbiang i man,
Katwa pyrchang wym ye u pyntoh pynbiang,
I sñiaw yaamrem ha mynsien samen,
Diaw i tliaw da syrtap kam wa kynton yutem.
Mynsien hei sorsa kamni mo paya?
Da sdang O’u kynjoh tang wym yoh O’u tba,
Yei thrang yei kwah mynnu u yoh O ki?
Namo daw kut O du hei yimphoo donhi.
Discussion about this post