Mynsoo 10 ngut hadien wa kynthiar ki na ka Bus wa sih Brake

Kamwa 10 ngut ki bru da mynsoo ki hadien wa kynthiar ki na ka Bus wa sih Brake kawa dang lai ha u National Highway 44 iwa da jia ha Ramban District ka Jammu & Kashmir ha ka 2 tarik uni u bnai.

Kani ka Bus toh kawa kit ya ki bru wa dang wan leh niam kiwa da wan na Amarnath Yatra yow liwan cha Hoshiarpur, Punjab tangwa da lait nei jia wa sñiawsih hadien wa ki chipai deilang wa ki pulit da ye ki wow pynsangeh ya kani ka Bus chwa u noh ko cha synrang.

Ya ini wa jia da em kiwa yoh wow riñ Video heiwa da yoo ya ki pulit wa ki chipai kiwa kdong ya kani ka Bus yow pynsangeh deiwa booh moo ha ki Tyre kani ka Bus.

Hachwa wow sangeh kani ka Bus, ki bru wa em hapoh da kynthiar ki cha lait dei tieñ ya yap neibhah kani ka thaw man ko kawa synrang.

Related posts

Chah kem 7 ngut heiyatoh wa i chah dat wei chah pynjæd sula ka kynthai ha kawi ka Club ha Khanapara

October 3, 2026

Yachem u Wailadmiki wa u Montri ka chnat Sports ka sorkar pyrdi yow pyndep smat yei pynkhreh ya ka National Games

October 3, 2026

Kani ka Bus toh kawa kit ya 40 ngut ki bru wei manda jan poi ko ha Nachlana hajan Banihal da sdang u sih u Brake ko wei da em 10 ngut kiwa kynthiar cha lait wa kynthup ya 3 ngut ki kynthai wa iwi i khynnah.