Ynnin ka sngi 25 ngut ki nong India kiwa lai uiñke cha Pokhara, Nepal da mynsoo ki hadien wa ka bus wa chong ki da thut u brake ko wei da em i tyrrah ha Dang District ka ri Nepal.
Ki pulit da ong ki wa ya ki 19 ngut da kit cha ka Community Health Centre ha Tulsipur ka jylla Uttar Pradesh wa em hajan wa ka Nepal.
Le ngut na ki da mynsoo joor ki wei dang em ki hapyrdi i chah sumaar ha kawi ka Hospital ha Nepal.
Ini da jia i ynnin wei boon na kiwa mynsoo toh kiwa na Lucknow, Sitapur, Hardoi wa Barabanki District ka jylla Uttar Pradesh.
Mar tip yeini ki pulit ka Nepal da lai ki cha ini i thaw wei ya ki 19 ngut da kit cha Tulsipur.
U Circle Officer (Tulsipur), u Brijnandan Rai da pyntikna u wa 19 ngut da chah sumaar ki ha Tulsipur heiwa le ngut dang chah sumaar ki ha Nepal katwa 3 ngut won da yoh dawai First Aid donhi ki.
Discussion about this post