Soo ngut kiwa na India wa lai puræ Doctor da mynsoo ki chirup wa kiwi tawon hadien wa chah dung ki ha uwi u khynnah ynnin ka sngi ha sorbah Ufa, Russia wei ya ini da pyntikna da ka Indian Embassy wa em ha Moscow.
Ini da jia i ha Sports Hall ka Foreign Students’ Hostel ka University ha Bashkortostan Republic.
Ki bor pulit da khana ki wa da mynsoo leh ar ngut ki pulit wa da chah dung heipor wa pyrchang ki wow kem ya uni uwa dung bru.
Ka Indian Embassy da ong ko wa da yaklam ko wa ka Indian Consulate ha Kazan wei da lai ki cha Ufa wow yarap ya kiwa mynsoo.
Uni uwa leh yeini i kaam da lai u cha State Medical University ha Ufa, deiwa rah ya ka tari wei da dung u ya kiwa em ha kani ka thaw.
U Spokesperson ka Interior Ministry ka Russia, u Major General Irina Volk da ong u wa uni da dung u leh pyn ya-oo hi chwa wow chah kem u hadien wa dung u ya ar ngut ki pulit.
Discussion about this post