Mynsoo 6 ngut hadien wa chah tyrrah ha ka Lamborghini wa yah u khon u heh spah

Ynru ngut ki bru da mynsoo ki hadien wa ka kari Lamborghini wa yah da u khon u heh spah da tyrrah ko ya ki bru wa ki thuk-thuk ha VIP Road ka sorbah Kanpur ynnin ka 8 tarik.

Ini da jia i heipor 3:15 i sngi hajan Rev-3 Mall, heiwa kani ka kari wa yah pynhær bha da tyrrah ko ya ki bru wa yieñ kamjooh ki thuk-thuk wa ka Autorickshaw.

Neiliang ki pulit da ujor ki ya ka FIR, da ong u Deputy Commissioner of Police (Central), u Atul Kumar Srivastava, heiwa i takit da man iwa lai chaphrang.

Kiwa sakhi da ong ki wa ya ka kari da yah da u Shivam Mishra, u khon u heh spah, u K.K. Mishra uwa man u tre ka Banshidhar Exports Pvt. Ltd., ka karkhana duma. 

Related posts

Wai ka Kotak Life ya ka Office wa nyngkong ha Jaiñtia Hills kawa em ha Khliehtyrchi

March 21, 2026

Khut ka MPSS Security Agency ya kiwa dang khynroo hadooh ki manbei manpa yow yoh Training man Security Guard

March 21, 2026

Mar ya jia ini ki paidbah da lang ki ya ka kari katwa u Shivam da chong u hapoh heiwa ki Bouncer wa emlang wa oo da mih ki wow ngait ya ki paidbah.

Hadien ini da poi ki pulit wa kit ya u Shivam wa kiwa mynsoo cha thaw sumaar katwa ya ka Lamborghini da kit cha Police Station.