Mynsoo 7 ngut ha i ya tyrrah kari

Jowai: Ynnin ka 25 tarik, ki pulit da pyntip ki wa heipor kamwa 10 waje i step ha Lum Rynjang, WJH kawi ka truck Shaktiman wa em ya u number ML04-5056 wa yah da u Pherlin Lamare da noh ko cha synrang wa jrong kamwa 40 meter wei hapoh kani ka kari da emlang u Nishalan Marang, u Khlurkari Rymbai wa u Darson Inty.

Ya kiwa mynsoo da kit cha Ialong CHC yow yoh yei sumaar.

Ha iwa tawon i jia hajan ka Reliance Petrol Pump 7^th Mile, kawi ka truck wa em ya u number AS01-GC- 7855 da tyrrah ko ya kawi ka kari Alto wa em ya u number ML-04-7251 heipor wa kani ka kari dang mut ko wow psiah cha ka Petrol Pump neiliang wa bakla heiwa kani ka truck toh kawa wan na Phramer yow lai cheiliang Jowai heiwa kani ka Alto da chah ktah bha ko wei ki le ngut wa em hapoh da kit ya ki cha Ialong Civil Hospital yow yoh yei sumaar tangwa du arngut wa da hap sah Hospital.