Mynsoo ar ngut hei ya tyrrah ki truck

Jowai : Ar ngut kiwa yah truck, da mynsoo joor ki hadien wa da tyrrah ki mar khmat ha Riatturiem ynne heipor kamwa 1:52 i sngi.

Kiwa sakhi da ong ki wa uwa yah da pyrchang u wow chim pass ya kawi ka kari wei heitæ da yatyrrah u wa kawi tawan ka truck kawa wan mar pyrchah.

Ha ini i jia da mynsoo pyn ar ngut kiwa yah uwa tip pyrtuid kam u K. Saikia uwa 55 snem i rta wa u Sukwinder Singh na Patiala, Punjap.

Ya ki da kit da ka 108 Emergency Service Ambulance wei da li booh ya ki cha Jowai Civil Hospital.

Kawi ka truck kamwa chah kujai da ran ko cha dien wei da tyrrah ko ya iwi i chram katwa kawi won da noh ko ha kyndian u sarok.