15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Wai moo nongrim wow chna yung krehkaam ka JSU ha District Library Auditorium

0 Comments
Advertisement ad1
Advertisement ad1
Advertisement ad1

Jowai : Ka Jaiñtia Students Union ynne ka sngi da pynman ko ya ka yachemlang ki dkhot warim wa kiwa katni wei da wai leh ya u moo nongrim wow chna ya ka yung krehkaam ka seiñ.

Ya kani ka yalang da pynman ha District Library Auditorium, Jowai.

Ha kani ka yachemlang u CEM ka JHADC u ma Thombor Shiwat da man u kam u kongsan katwa u EM ka JHADC u ma D. Pohshna da man u kam u symbood kongsan.

Ya ka yalang da pyllai da u President ka seiñ u ma Rikut Pareiñ, wei da yoh ya ki kyntien pdiang burom na u General Secretary u ma Emperor Bareh.

Chwa u sdang ka yalang da kynmoo warom leh ya ki dkhot ka seiñ ki wym em de heini ha sla khyndaw.

Da yoh yei klam na u President warim ka seiñ u ma Chaphrang Passah, ka kong Iba Laloo na ka MACS da e batai ko ya ki paidbah chaphang i e snaam sñiawbha.

Da wai leh ya u moo nongrim wow chna ya ka yung krehkaam yong ka seiñ da u kongsan hei emlang ki dkhot warim ka seiñ wa kiwa kitkaam wa katni.

Hei klam kam u kongsan da e u ma Thombor da e yaroh u ya ka seiñ kawa da thooh ki laad ki luti wow kreh neibynta i bha i miat ka imlang sahlang.

“Dang pyrkhat i wow chna noh ya ka yaaw dailang ha Sabah, kawa da pyrkhat hadien wa da e yumut ka seiñ ya ka Council” da ong u ma Thombor.

Heijooh i por neiliang yong oo da kular u ya ka seiñ wa daw pyrkhat ka Executive Committee heiwa kammon u leh yow yarap ya ka seiñ heiwow chna ya kani ka yung krehkaam yong ka.

U ma Rikut da pyntip u wa ya ini i yung u chna ha i thaw wa da e sñiawbha da ka kong Phidelia Toi, ha Loomsooiung, Newhill, Jowai iwa heh kamwa 1,600 sq ft.

Ha kani ka yalang ka seiñ da pynkupburom ko leh ya ki 38 ngut ki dkhot yong ka kiwa da e snaam sñiawbha teiñ cha ka Blood Bank, Jowai.

Da pynkup burom leh ya ki 4 ngut ki Adviser ka seiñ kiwa da jooh e snaam sñiawbha cha ka Blood Bank wa ki paidbah. Kini kynthup ki ya u Sajeki Passah, Rev. H.H. Mohrmen, u ma Chaphrang Passah wa u ma I. Chyrmang.

Share this:
Previous

Pynkup burom ka kur Sookpoh Khad-Ar Wyrnai ya ki khynnah wa pass bha

Next

Mynsoo ar ngut hei ya tyrrah ki truck