Mynsoo joor kawa 19 snem na Tripura ha kti u chan ko ha Gurugram

Kawi ka kynthai wa 19 snem kawa na Tripura kawa puræ Biotechnology da mynsoo joor ko hadien wa chah thombor ha u chan ko ha Gurugram, Haryana.

Kani ka kynthai toh kawa puræ ha kawi ka University ha Gurugram wei da chah kset ko ha i yung nadooh ka 15 hadooh 18 tarik u February. Ha kini ki sngi da chah dat wei chah slaitbor ko ha u chan ko uwa 19 snem i rta uwa tip kam u Shivam Khattar uwa na Delhi.

Ki pulit da ong ki wa u Shivam da kset u ka ha kamra wa sahlang ki wei da slaitbor wei da dung u ka da ki tiar wa nep hadooh wa da mynsoo ko.

Ya ini da chem hadien wa kiwa ha-yung ko ym yoh ki wow yaklam wa ka la kattu katni sngi heiwa da paan yarap ki na ki pulit ka Gurugram wei deiwa chimkhia yeini da yoh ki ka wow pynlait na ini i yung.

Related posts

Pynman yakhih sa ka BJP wow pyrchah yei pynthut ka Congress ya ka AI Summit

February 22, 2026

Yasaaid uwa 19 snem ha Supreme Court wow yoh u lai puræ MBBS

February 22, 2026

Ya kani ka kynthai da kit cha Intensive Care Unit (ICU) ka Safdarjung Hospital ha Delhi heiwa ki Doctor da ong ki wa rap chitom joor ko.

Da ujor leh ya ka FIR ha Badshahpur Police Station wei da kem leh ya u Shivam.

Neiliang kiwa ha-yung ka kynthai da pynbaad ki wa da pynngat ya u Shivam du hapoh ki kyndon slaitbor hapyrdi wa da chitom joor ko, da ong ki wa da toh u pynngat ya oo hapoh ki kyndon thmu tynyap bru.