Mynsoo ki khynnah skur wa dat u pyrthat heipor wa rieh slap ki

Jowai : Ynne ka sngi da em i jia wa sñiawsih heiwa 6 ngut ki khynnah skur ka Marian Hill HS School, Jowai da mynsoo ki hiewa ar ngut da poi ki cha ka ICU wa chah dat ki ha u pyrkhat heipor wa dang rieh slap ki ha tre uwi u dieñ.

Heipor kamwa 3:30 i janmiet heipor wa wai skur ki khynnah ka Marian Hill, 6 ngut ki khynnah wa rieh slap ha tre u dieñ wa em ha jan paikhana ka skur da chah dat ki ha u pyrthat heipor wa joor bha u slap wa u kdur ynne ka sngi ha Jowai.

Arngut kiwa tip kam u Daochwa Nonghuloo wa puræ class 7 wa u Sauni Suchiang wa puræ Class 10 da mynsoo joor bha ki hadooh wa da booh ya ki ha ka kamra ICU ka Dr. Norman Tunnel Hospital, Jowai.

Ya kini ki arngut heipor wa jia ini da yarap e First Aid (CPR) ya ki da u khynnah Scout yow ye ki u riñ mynsien.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Sa uwi wa rap mynsoo joor toh u Donald Dkhar wa puræ Class 10 tangwa hadooh wa pynmih ya kani ka khubor ym pu em booh ya oo ha ICU.

Da em leh sa le ngut wa mynsoo malu mala kiwa toh na kti, ryngkhi, radang kiwa tip kam u Ricky Pale class 8, u Ijuhbait Iongwai class 7 wa u Ewanmi Sutnga class 10.