Mynsoo ki le ngut hei chah dung wei chah pam da ka wait ha ki le tylli ki chnong ka West Jaiñtia Hills

Ki khubor wa da yoh u pynlang na ki pulit da pyntip wa ha ka 28 tarik u bnai wa dep heipor kamwa 11:35 i miet, da em wa pyntip cha ki pulit wa em uwi u bru wa thiah mynsoo hapoh kawi ka kari wa em Number ML-04C-6178 ha chnong Thadialong, (WJH).

Hawa pynman yei takit da chem wa heipor 10:30 i miet da em i yachoh yadat hapyrdi u Arki Pan (35 snem) wa u Jan Shylla (48 snem) na chnong Mynso heiwa u Arki da dung u ya u Jan da ka tari wei da yut u hadien ini.

Ya uni uwa dung da yoh ki pulit wow kem.

Ha iwi won i jia, ka Euniwom Dkhar da ujor ko wa ha ka 29 tarik u bnai wa dep heipor kamwa 4:45 i step uwi u bru wa tip kam u Bud Biam (73 snem), da pam u ya u payu ko uwa tip kam u Rijonki Dkhar da ka wait ha chnong Sahsniang-A, WJH. Uni uwa chah pam da mynsoo joor u wei da kit ya oo cha Hospital.

Related posts

Chah thombor ka khynnah wa dang 6 snem | Wan pynlait ka manbei, yut u bru wa thmu leh sih

January 18, 2026

Kem ki pulit ya ar ngut ki khynroo chirup ka Pistol wa i drugs

January 18, 2026

Ya u Bud Biam da yoh wow kem da ki pulit.

Sa ha iwi won iwa jia, ka Iowhok Suchiang da ujor ko wa ha ka 27 tarik u bnai wa dep heipor kamwa 10:00 waje i miet, u kurim wa da yalait ko uwa tip kam u Kermi Dkhar da wan u wow pynmynsoo ka da ka tari ha yung wa sah ko ha chnong Thadsning, WJH.

Kani ka bru da mynsoo joor ko wei da kit ya ka cha Jowai Civil Hospital.