Mynsoo le ngut hei tyrrah ka Scooty ya ka Alto ha Khliehtyrchi

Ynne i sngi heipor 1:15 da em i tyrrah kari ha Khliehtyrchi, Mookynniang ha i thaw wa tip kam i Ksehlung heiwa kawi ka Scooty wa em Number ML-04E-0039 da tyrrah ko wa kawi ka Maruti Alto wa em Number ML-04D-9399 wa yah da u Wanmi Mynthliang uwa na Ksehrynchang, WJH.

Kani ka Scooty toh kawa lai na Ummulong cha Jowai wei manda poi ko ha ini i thaw da lai ko na ka luti wa bakla (Wrong Side) heiwa da tyrrah ko ya ka Maruti Alto mar khmat hanla ka Alto da lai ko cha liang tidiang wow lait nei tyrrah.

Kani ka Scooty toh kawa em uwa yah wa ar ngut kiwa chong hadien (le ngut ha ka Scooty) wei da kit ya ki cha thaw sumaar da ki Ambulance wei ya ka kari cha Ummulong Best House.

Ya kiwa mynsoo da tip kam u Alkyndi Kma uwa na Dulong wa yah ya ka Scooty katwa kiwa chong ha ka won toh u Daker Laloo uwa na Dulong wa u Biptop Barman uwa na Iawmusiang, Jowai heiwa da kit ya ki cha Jowai Civil Hospital, Ialong.

Related posts

Yoh myntoi ki 31 ngut ki khynnah ka Jaiñtia Hills nei pooid wa mynkna ya kiwa jæd ktien wei kaad poh ktien

November 16, 2025

Khut ka DCIC Jowai ya kiwa kwah wow yoh yei sikai wa mynkna neibynta ka Make Up Artistry

November 16, 2025