theme-sticky-logo-alt
theme-logo-alt

Mynsoo palat 35 ngut nei kylla ka Bus wa kit ya kiwa lai ‘Eucharistic Prosession’ ha Pommura

Shillong: Hadooh kamwa 35 ngut ki bru da mynsoo ki hadien wa ka Bus wa chong ki kawa wan na Mawryngkneng cha ka yaseiñ ‘Eucharistic Prosession’ da kylla ko ha Pommura.

Kani ka bus da kylla ko neidaw wa pynhær ware uwa yah Bus katwa dang pyndong u ha ka sarok wa kyllaiñ ha kani ka chnong ynne i step heipor 8:30 – 9:00 waje i step wei kani ka Bus JNNURM (ML 01 6848) da kit ko hadooh kamwa 50-60 ngut kiwa thmu wow wan cha ka yaseiñ heiwa boon na ki toh toh kiwa na Mawryngkneng.

Waroh kiwa da mynsoo da pynkit cha ka PHC wa kiwi ki thaw sumaar ha Shillong da ki 108 Ambulance Service.

Neiliang u Secretary ka Dorbar Shnong Mawryngkneng hawa yaklam wa kiwa pathai khubor da ong u, “I da thooh yutip i wei da chem i wa ym em wa sñiawsih lait na ki kattu katni kiwa mynsoo joor,.”

“Boon hi na ki toh kiwa na chnong Mawryngkneng wei neiliang u Sordar u Peter J Lawai da beh u cha ki thaw sumaar mar ya tip yeini iwa jia wow yarap ya ki,” da ong u Wallambok Kharsati.

Share this:
Previous

Dawa ka YFPHR wow bood yei rai ka UN hajrong i jia ya ka Agnes wa ka Amita Sangma

Next

Rai wow pyndam noh ya u Contractor wa slem u pyndep ya ka Greater Raliang Water Supply Scheme: C.Ymbon