15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Mynsoo palat spah ki pulit, chah rah won palat 40 ngut ki paidbah ha i awri wa mih ha Shillong

0 Comments
Advertisement ad1

Shillong: I awri wa mih ha thaiñ Motphran nadooh ka 31 Naisan, da wanrah ko yei mynsoo ya kiwa boon ki paidbah wa ki pulit kamjooh.

Hawa yaklam wa u SP (City) u Steve A Rynjah ynne ka sngi, da ong u wa em kamwa 100 ngut ki pulit kiwa da mynsoo na i chah pakhot moo ha ki paidbah nadooh wa sdang i awri wei da em kamwa soo namo san ngut kiwa da rap mynsoo joor.

Advertisement ad1

Heiyatoh wa i chah dat ki le ngut ki khynnah Khasi ha Sweeper Colony, u Rynjah da ong u wa ki pulit da kem ki ya ki ar ngut kiwa kynthup ya u B Masih wa u Anil Basi wei dang em ki ha i takit ki pulit.

Heiyatoh wa ki paidbah kiwa da mynsoo, u Rynjah da ong u wa ki pulit ymtip ki katwon ngut kiwa mynsoo neibhah wa pana phah sumaar hi ki.

Da ong u leh wa kiwa da chah rah ha ini i jia, da kynjoh i cha ka 40 ngut wei du kamwa 10-15 ngut kiwa da pynngat ha ki kyndon ka aiñ kiwa emkti wow pakhot moo, u pynmynsoo ya ki pulit wei kiwa pynjæd tympra katwa ya kiwi kiwa tyngkheiñ ya ka kyndon Curfew da pyllait noh khlem pynngat kyndon ya ki.

Chooh chooh da ong u wa da wan biang i chongsuk ha ka thaiñ wa mih i awri wei da pynyinsur leh ya ki kynta Curfew da ki bor synchaar District dei yakrehlang wa kiwa pynlai chnong, da pynrap u leh wa dang em ki bru kiwa dang pynchit wei ki wym kwah wa ini i awri u kut noh i, wei heiyatoh wa kini ki pulit dang pynman ki ya i takit.

Ha iwi i liang, u SP (City) da ong u wa katkam ka yutip ki pulit, kiwa boon ki khynroo kiwa da emkti heini toh kiwa na ka thaiñ Ri-Bhoi, West Khasi Hills, South West Khasi Hills weiwa ki Dorbar Chnong ym tipmit ki ya ki.

Share this:
Previous

Yachem ka seiñ kiwa sikai ya u Conrad ynne ka sngi

Next

Ha ka 13 tarik kyntu ki bor District ka EJH wow lai dei kjat cha ki thaw kreh