Shillong: Ynne ka sngi katwa dang lai ka yalang wa pynman da ka Khasi Author’s Society (KAS) ha Madan Malki, san ngut ki bru da mynsoo ki kiwa kynthup ya ki khynnah skur neidaw wa oor ka rynsaan wa da pynyieñ ha madan katwa dang ap ki yeiwa klam tangwa da wan noh u slap wa joor heiwa boon da ku ki hapoh kani ka dara wow rieh slap.
Kani ka dara toh kawa da pynyieñ neibynta ka yalap ya seiñ yong ka wi ka balang kawa da dep pynman ynnin ka sngi kawa ympu em dep u sliah hadooh ynne ka sngi wa pynman yalang ka KAS.
“I da dep yaklam i wa kiwa pynlai wow pynkhooid ya ka madan ha chwa wow pynman ya ka Rally tangwa ym em leh ya ini,” da ong u Dr. DRL Nonglait.
Ha ini i jia hadooh san ngut ki bru da mynsoo ki malu male wei ya kini da tip kam ka Agilia Rumnong 18 snem, ka Pherdistar Marbaniang 20 snem, u Bakiew Kharmuti 29 snem, u Justerroi Ryntathiang 35 snem wa u Manifes Maner 23 snem ka rta.
Hadien wa yoo yeini i oor ka rynsaan, neiliang ki paidbah da yarap ki wow kyrriah ya ki siej kiwa da ban ya ki kattu katni ngut wei da pynkit ya ki cha Shillong Civil Hospital wow yoh yei sumaar da ka Ambulance kawa da yang chwa wa ka Ambulance 108 kawa da wan smat cha kani ka thaw.
Discussion about this post