15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Mynsoo soo ngut wa fail brake ka truck ha Jowai Bypass

0 Comments

Jowai : Ynne i janmiet heipor kamwa 4:00 – 4:20 yatyrrah kari ha Jowai Bypass hapyrdi ki ar tylli ki truck kawa em u No. PB 11 BY 7001 kawa kit kamwa 570 tylli ki song chna yung.

Ya kani ka truck da yah da u Yespalsingh uwa 58 snem i rta wei da emlang leh u khon u, u Manor Singh uwa 18 snem kiwa wan na Mizoram wei thmu ki u lai cha Guwahati.

Manda poi ha Jowai Bypass mar pyrchah ka GHM Hotel kani ka truck da sih u brake ko wei da tyrrah ko ya kawi tawan ka truck wa em u No. AS 01 GC  0107 kawa wan mar pyrchah.

Ya kani ka truck da yah da u Ajay Basumatary wa 32 snem i rta chirup wa u Sukra Sanjay Boro wa 22 snem kawa hadien wa yatyrrah ki pyn ar ki truck da kylla ki cha ka riat wa em heini i thaw.

Ha ini i jia pyn 4 ngut da mynsoo ki wei da kit ya ki cha Jowai Civil Hospital, Ialong da ka kari 108 ambulance chirup wa ki kari pulit.

phlbrk1

phlbrk2

Share this:
Previous

Sdang wan paan maap ki Dolloi na ka EC u ma Thombor

Next

Ki result yakhun 2nd Division wa ka Super Division ynne ka 24 tarik