Mynsoo u DSP wa u Magistrate wei da kem ya 10 ngut hadien i yakhih ka HITO: SP

U SP ka East Khasi Hills da pynche u heiyatoh wa iwa jia ynne ha Shillong deiwa ong wa u Donbok Dkhar, President ka HITO da chah phah wan hajir oo cha ka Sadar Police Station hadien wa da phah ya ka Notice hapoh ka Section 41A ka CrPC heiyatoh waka Sadar PS Case No. 169/2023 kawa da pynngat hapoh ka kyndon Section 171/34 ka IPC hajrong i riam da ki sula ki pulit deilang waka Section 105 ka aiñ MP Act.

Tangwa heipor kamwa 10:00 waje i step ki dkhot ka Hynniewtrep Integrated Territorial Organisation (HITO) kiwa em kamwa 40-50 ngut hapoh i yahkhmat u Donbok Dkhar kam u President, u Gary Marboh, u Shaniah Nongrum, u James Nongpuir wa u Wanbun N. Dkhar da yalang ki ha ka SMB Parking Lot wa em mar pyrchah ka SBI Main Branch, GS Road khlem da yoh bor chwa na ki bor District heiwa da rah lama, rah Placard ki.

Neiliang u Magistrate deilang wa ki sahep pulit da wan ki wow yaklam wa ki dkhot ka HITO wow yapra noh na ini i thaw wei wow e laad ya u President yong ki wow lai u cha Sadar PS yow leh u yeiwa toh u leh u tangwa kini ki dkhot ka HITO ym ngait ki wei da lai bait ki deilang cha ka Sadar PS dei kjat lynbga ka Police Bazar.

Hadien wa da pyndep yei kaam, da phah ya kiwa yalang wow ya pra wei wow liwan ki dei suk i saaiñ tangwa u President ka HITO manda mih u napoh ka Sadar PS deilang wa ki dkhot ka seiñ kiwa da em ha lait ka Gate ka Sadar PS da pyrchang ki wow lai toor dei bor cha Main Secrtariat yow lai noh ya ki Placard yong ki katkam wa phah u Donbok Dkhar.

Related posts

Yoh kem drugs kiwa chong chnong ka Namdong

November 23, 2024

Yoh kem ki pulit ya uwa lai maham bru da kawi ka Pistol

November 21, 2024

Manda poi ki ha Kacari Point da pynsangeh ya ki da ki pulit neidaw wym em yoh bor ki na ki bor District wow leh yeini kamjooh wow lai paidbah neibhah dang krehkaam ka Section 144 CrPC wa da dep pynmih da ka DC ka East Khasi Hills ini wa dep.

Heini i por ki dkhot ka HITO da sdang ki wow pynkulmar wei da ngiat ki ya ki pulit kiwa da kah luti heiwa uwi u Magistrate wa 3 ngut ki pulit da chah tba kti ki ha ki dkhot ka HITO wei da mynsoo ki ha ini wa jia.

Kamtæ yow tympra ya kini kiwa da pynkulmar, ki pulit da pynemkaam ki da ki Stun Grenade wei da sympat lathi ki malu mala yow ye u tympra ya kini kiwa da yalang heini i thaw wei heini i por da em na ki dkhot ka HITO kiwa da kawang moo ya ki pulit heiwa da mynsoo uwi u Dy. Superintendent of Police na khlieh wei ya kini waroh kiwa da mynsoo da kit ya ki cha Hospital yow yoh yei sumaar.

U SP da pyntip u leh wa da kem ya 10 ngut ki bru wei da Register leh ya ka Case.