U Birbor Riangtem uwa man u President yong ka seiñ kiwa sikai Contract kiwa da chah pyndam kreh, da mynsoo u ha ki bynta yong u kpoh hadien i pynyoo bor ki pulit ha ka yakhih ynne ka sngi.
U Birbor hadien ka ya taan ya khujai wow toor cha Secretariat, da pynyoo u ya ki dak chitom ha ki bynta yong u kpoh wei ym ye de u chong leh, tangwa da pteiñ u yei yakhih deiwa thiah bait hakhmat yong ka khyrdop Secretariat.
Hadien wa da yoo ya ini, neiliang ki bor pynlai District da phah wan ki ya ka Ambulance wow pynkit ya u Birbor cha ka thaw sumaar, tangwa uni uwa yahkhmat kiwa sikai hapoh ka seiñ Meghalaya Government Lower Primary School Contractual Teachers Association da kyntait u wow lai chah sumaar.
Kiwa sikai Contract da pteiñ ki wow yakhih hadooh katni deiwa chong bait ha khyrdop yong ka Secretariat.
