Jowai : Katkam ka yutip wa da yoh na ki pulit da ong wa da em uwi u khynnah uwa da mynsoo hadien wa ya tyrrah ki ar tylli ki kari ha Chnong Mukhla ynne i step heipor 8:30.
Ha ini i jia ka kari wa em u No. ML04 C 1646 Maruti Alto K10 da tyrrah ko ya uni u khynnah wa tip kam u Kyrmenlang Pohthmi u khon u ma Hermon Pohtam uwa pyn na Mukhla hi.
Da ong wa ini da jia i heipor wa dang yang u ya ka kari wa em u No. ML04 B 5988 (Maruti Car 800) ka wow lai libooh skur oo kawa chah tyrrah ha ka Maruti Alto K10 .
Ha ini i jia da kit ya uni u khynnah cha Dr. norman Tunnel Hospital heiwa da ong wa uni u khynnah da kheiñ ki kjat u wei da phah won yow kit ya oo cha Shillong yow yoh u yei sumaar wa rap miat.
Discussion about this post