Jowai : Hei yatoh wa i thap kreh kaam chipai ka wadaw pynman ha ka 13 tarik u Naitung (April) ha Dikki Bandi Stadium, Tura; neiliang u DC ka West Jaiñtia Hills District daw pynman ko ya ka esikai næ ka Orientation Programme mynstep ka 31 tarik kawa chi sngi yow yarap ya waroh kiwa em i thmu yaleh kreh.
Ya kani ka esikai daw pynman ha District Library Auditorium Mynthong, Jowai nadooh ipor 10 waje i step.
Ha kani ka sngi daw em u Brigadier William Sturgeon u wow e yei klam hei yatoh waka Entrance Test wei kamjooh leh yei rukom pyllai yow yoh kreh chipai heijooh i por u SP ka West Jaiñtia Hills u R. Muthu leh daw klam u hei yatoh wei thap kreh kaam pulit.
Ya kini ki kreh (post) neiliang ka tnat Pulit da kynthup ya ka tnat Armed Branch, Unarmed Branch waka Special Forces SF-10. Katwa ya ki kaam chipai da kythup ya ka Soldier General Duty, Clerk, Store Keeping, Technical, Inventory Management, Technical and Tradesmen wa Re-enrolment of DSC personnel.
Ya ka All Indian Common Entrance Exam (CEE) neibynta kiwa chah jied daw pynman ha Army Public School, School ha ka 29 tarik Naisan (May), 2016.
Discussion about this post