Shillong : U MLA ka 10 Jirang Constituency u Lamboklang Mylliem uwa man leh kam u Parliamentary Secretary In-charge Taxation ynne syndet syndet da e u ya ka chithi iehnohkaam u ha u Montri Rangbah ka jylla u Dr. Mukul Sangma.
Ini i leh u Lamboklang Mylliem katkam wada kam u da ong wa i ksoh u yeini i kyrdan Parliamentary Secretary tyngkheiñ u ya ka riti synchaar (Constitution) ka ri India kamjooh leh ya ka Manual on Rules of Meghalaya Legislative Assembly & Secretariat.
Ka sorkar MUA II u Dr. Mukul Sangma kattu em ko hei ma neibhah wa em ko 18 ngut ki Parliamentary Sectary iwa lai pyrchah ya ki kyndon aiñ Article 164 (1) ka Constitution (Ninety-First Amendment) Act, 2003 kawa klam neibynta i em ki montri wa ki Parliamentary Secretary hapoh ka sorkar. Kam ki jylla wa khian, ka Meghalaya ye ko u em du 12 ngut donhi ki montri.
Chooh chooh ki kyndon ha ka Manual on Rules of Meghalaya Legislative Assembly & Secretariat da klam che ko leh wa ki Parliamentary Secretary ksoh ki i jooh i kyrdan wa ki montri sorkar.
Discussion about this post