Ynne ka sngi man ko ka sngi kawa 6 nadooh wa pynman ya ka Panaliar, Jowai kam ka Containment Area neidaw wa em boon kiwa chah ktah ha ka khlam COVID-19.
Katkam ka yutip wa da yoh, hadooh i miet ka 14 tarik da em 14 ngut kiwa dang chah ktah (Active Case) hapoh ka chnong.
Ha kini ki sngi wa dadep neiliang ka chnat i chait i khiah leh da wan booddien ki wei wow leh test (Active Surveillance) wow pait yei chait i khiah ki bru hapoh ka chnong tangwa duna bha kiwa wan chaphrang.
Heiyatoh wa i pyndam noh ya ka hukum Containment Area, neiliang u DC ka District u Garod LSN Dykes da pyntip u wa ki bor District daw chong pyrkhat ki mynstep ka sngi wa ka chnat i chait i khiah wow pyrkhat kammon wow leh hajrong ini.
